Тәуелділіктің алдын алу мақсатында ата-аналар жиналысы өткізілді

Қостанай облысы әкімдігі білім басқармасының Қарасу ауданы білім бөлімінің «Амангелді жалпы білім беретін мектебі» КММ-де тәуелділіктің алдын алу және балаларды тәрбиелеудегі ата-аналардың жауапкершілігін арттыру мақсатында ата-аналар жиналысы өткізілді.
Жиналыс барысында ата-аналар өскелең ұрпақты тәрбиелеуге қатысты маңызды мәселелермен танысты. Сонымен қатар, олар «Мәселенің алдын қалай алуға және оны болдырмауға болады?», «Балаларды тәрбиелеудегі ата-аналардың жауапкершілігі туралы», «Тәуелділік дегеніміз не? Ол неліктен пайда болады?» тақырыптарындағы бейнероликтерді тамашалап, талқылауға қатысты.

Іс-шара ата-аналардың балалар мен жасөспірімдер арасында тәуелді мінез-құлықтың қалыптасуына байланысты заманауи қауіптер туралы хабардарлығын арттыруға, сондай-ақ өскелең ұрпақты тәрбиелеу мен дамыту мәселелерінде отбасы мен мектеп арасындағы өзара ынтымақтастықты нығайтуға ықпал етті.