Амангелді жалпы білім беру мектебінің медицина қызметкері Дүниежүзілік кариес күніне арналған әңгіме, білім беру ойынын өткізіп, ақпараттық парақшалар таратты. Іс-шара 6 жастан 12 жасқа дейінгі оқушыларға арналып ұйымдастырылды.
Кездесу барысында балалар тіс жегісінің себептері, ауыз қуысының гигиенасы ережелері және үнемі стоматологиялық күтімнің маңыздылығы туралы білді. Ойын арқылы оқушылар жаңадан алған білімдерін нығайтып, тіс денсаулығын сақтау туралы талқылауға белсенді қатысты. Іс-шара соңында барлық қатысушылар тіс жегісінің алдын алу бойынша ұсыныстар жазылған парақшалар алды.
